Shfrytëzoi për dy vite të miturën për prostitucion, arrestohet 42-vjeçari në Tiranë

Një 42-vjeçar është arrestuar në Tiranë pasi dyshohet se shfrytëzoi për prostitucion një të mitur për 2 vite me radhë.

Policia bën me dije se në pranga ka rënë shtetasi D. H. Dyshohet se shfrytëzoi një shtetase të mitur, për prostitucion, për një periudhë 2-vjeçare, kapet dhe vihet në pranga 42-vjeçari.

“Shërbimet e Komisariatit të Policisë Nr. 1, pas kallëzimit të depozituar në komisariat, se një e mitur shfrytëzohej nga një shtetas, për prostitucion, menjëherë kanë organizuar punën për dokumentimin ligjor të rastit në fjalë dhe vënien e autorit përpara përgjegjësisë penale”-njofton policia.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme.

LEXONI GJITHASHTU: 

• Kreu i PDSH: Kurti të mos ndërhyjë në zgjedhjet e Maqedonisë së Veriut
• Koloneli serb në pension: Çfarë nënkupton rikthimi i shërbimit ushtarak në Serbi