Shisnin aksesorë diamanti e floriri pa faturë tatimore, në pranga 2 persona

Policia e Tiranës ka arrestuar pranga 2 persona administratorë biznesesh pasi shisnin pa faturë tatimore, ora të markave të shtrenjta, si dhe aksesorë diamanti dhe floriri.

Në pranga kanë rënë administratorët e këtyre bizneseve, D. S., 52 vjeç dhe K. Z., 44 vjeç, të dy banues në Tiranë. Gjithashtu, u referuan materialet në Prokurori, për moskryerje të detyrës, për punonjësit e Drejtorisë Vendore të Tatimeve Tiranë, që mbulojnë zonat ku janë 2 dyqanet.

“Në kuadër të këtij operacioni janë gjurmuar 2 dyqane që shitnin ora dhe aksesorë të tjerë, online dhe në njësi fizike në kryeqytet. Gjatë kontrolleve në njërin dyqan (të paregjistruar në organet tatimore), me administrator shtetasit D. S., u sekuestruan me cilësinë e provës materiale, 195 ora të markave të shtrenjta dhe 19 palë syze, ndërsa në dyqanin tjetër, me administrator shtetasin K. Z., u sekuestruan me cilësinë e provës materiale, 33 ora të markave të shtrenjta, aksesorë diamanti dhe floriri, si dhe 5100 euro, 2000 dollarë dhe 121 400 lekë të dyshuar të përfituar nga kjo veprimtari kriminale”, bëri me dije policia.

LEXONI GJITHASHTU:

• “Tempulli”| Arrestohet 29-vjeçari në kërkim, shkon në 94 numri i të ndaluarve
• Me makinën plot me emigrantë nga Nepali, arrestohet 24-vjeçari