Shiste drogë në Sarandë, arrestohet në flagrancë 46-vjeçari nga Polonia

Një 46-vjeçar polak është arrestuar nga policia e Sarandës pasi u kap në flagrancë me disa doza kanabisi.

Shtetasi nga Polonia u ndalua teksa po lëvizte me automjetin e tij në lagjen numër 2 të qytetit, gjatë kontrolleve atij iu gjetën doza kanabisi gati për shitje si dhe një mjet prerës.

Më pas, gjatë kontrollit në banesën e tij, është gjetur dhe një sasi tjetër lënde e dyshuar narkotike.

Lënda narkotike dhe thika u sekuestruan në cilësinë e provës materiale, ndërkohë që materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Sarandë, për veprime të mëtejshme.

“Si rezultat i kontrolleve në të gjithë territorin e qarkut dhe punës së inteligjencës policore, në kuadër të megaoperacionit “Tempulli 2”, shërbimet e Komisariatit të Policisë Sarandë kanë konstatuar dhe goditur një tjetër rast të veprimtarisë kriminale të shitjes në doza, të lëndëve narkotike, rast për të cilin u vu në pranga shtetasi polak A. S., 46 vjeç.

Në lagjen nr.2, shërbimet e Policisë kanë ndaluar automjetin me të cilin qarkullonte 46-vjeçari dhe gjatë kontrollit në automjet, kanë gjetur doza të lëndës së dyshuar narkotike cannabis sativa gati për shitje dhe një mjet prerës (thikë). Më pas, gjatë kontrollit në banesën e tij, është gjetur dhe një sasi lënde e dyshuar narkotike cannabis”, njofton policia.

LEXONI GJITHASHTU:

• Esktradohen nga Italia, Gjermania dhe Greqia, 3 të akuzuar për drogë dhe mashtrim
• EMRAT| Kush janë tre të arrestuarit në Vlorë nga operacioni ndërkombëtar anti-drogë