Shiste kanabis dhe lëvizte me armë të ftohtë, arrestohet 25-vjeçari në Sarandë

Një 25-vjeçar ka përfunduar në prangat e policisë së Sarandës pasi u ndalua në flagrancë me një sasi lënde narkotike gati për shitje.

Gjithashtu gjatë kontrolleve nga ana e policisë atij iu gjet dhe një thikë e cila u sejuestrua në cilësinë e provës materiale.

Nga veprimet hetimore dyshohet se ky shtetas siguronte lëndë narkotike kanabis, e ndante në doza në banesën e tij dhe i shiste ato në lagje të ndryshme të qytetit të Sarandës.

Materialet procedurale i kaluan Prokurorisë, për veprime të mëtejshme hetimore.

“Shërbimet e Komisariatit të Policisë Sarandë, në kuadër të megaoperacionit “Tempulli”, kanë goditur një tjetër rast të prodhimit dhe shitjes së lëndëve narkotike, si rezultat i të cilit u arrestua në flagrancë shtetasi:

– F. K., 25 vjeç, banues në Berat.

Gjatë kontrollit fizik të ushtruar ndaj tij, në lagjen nr. 4, shërbimet e Komisariatit të Policisë Sarandë i kanë gjetur lëndë të dyshuar narkotike kanabis, një grirëse për lëndët narkotike dhe një mjet prerës (thikë), të cilat u sekuestruan në cilësinë e provës materiale, bashkë me 2 celularë”, thuhet në njoftimin e policisë.

LEXONI GJITHASHTU:

• Kishte kultivuar 250 bimë kanabisi në pyll, arrestohet në flagrancë 43-vjeçari
• EMRI| Kapet parcela me 610 bimë kanabisi në Pogradec, arrestohet 31-vjeçari