Një 28-vjeçar u arrestua nga policia në Shkodër pasi shiste drogë të llojit kokainë në dyqanin e tij.
Specialistët e Sektorit për Hetimin e Narkotikëve, në bashkëpunim me Forcat e Posaçme “Shqiponja” të DVP Shkodër vunë në pranga shtetasin H. H., 28 vjeç, banues në Shkodër.
Gjatë kontrollit në dyqanin e tij, në vendin e quajtur Fushë Qelë, shërbimet e Policisë gjetën dhe sekuestruan, në cilësinë e provës materiale, një sasi lënde të dyshuar kokainë, që dyshohet se 28-vjeçari e ndante në doza për shitje, një peshore elektronike dhe një celular.
Materialet procedurale iu referuan Prokurorisë për veprën penale “Prodhimi dhe shitja e narkotikëve”.
LEXONI GJITHASHTU:
- Lezhë| Shpërndante lëndë narkotike pranë shkollave, arrestohet 28-vjeçari
- Lëvizte i armatosur me makinë, arrestohet në flagrancë 33-vjeçari