Shiten për 1.69 mln € armët e Napoleon Bonaparte, me to donte të vriste veten

Dy pistoleta në pronësi të perandorit francez Napoleon Bonaparte, me të cilat ai dikur synonte të vriste veten, janë shitur në ankand për 1.69 milionë euro.

Armët u shitën në shtëpinë franceze të ankandit Osenat, pak jashtë Parisit, dhe pritej të arrinin midis 1.2 dhe 1.5 milionë euro.

Shitja e pistoletave Gossard vjen pasi ministria franceze e kulturës i klasifikoi ato si thesare kombëtare dhe ndaloi eksportin e tyre, që do të thotë se qeveria franceze ka 30 muaj kohë për t’i bërë një ofertë blerjes pronarit të ri anonim

Thuhet se Napoleoni donte të përdorte pistoletat për të vrarë veten natën e 12 prillit 1814 pas disfatës së ushtrisë së tij nga forcat e huaja. 

Napoleoni ia dha pistoletat Caulaincourt, i cili nga ana e tij ia kaloi ato pasardhësve të tij. 

Pistoletat e dekoruara, të cilat shfaqin imazhin e gdhendur të Napoleonit në pompozitet të plotë perandorak u shitën në një kuti are me një shtresë të zezë, së bashku me aksesorë të ndryshëm.