Shkaktoi aksidentin me 3 të lënduar dhe 37 bagëti të ngordhura, në pranga 26-vjeçari

Policia ka arrestuar këtë të hënë 26-vjeçarin i cili shkaktoi aksidentin në aksin “Levan-Qarr” që rezultoi me katër të plagosur dhe ngordhjen e 37 bagëtive të imëta.

Aksidenti ndodhi mbrëmjen e kaluar dhe hetimet zbuluan se i riu drejtonte mjetin në gjendje të dehur.

Sipas njoftimit të Policisë Fier, 26-vjeçari L. Dh. dhe tre pasagjerë të tjerë pësuan dëmtime të lehta, ndërsa dëmet e shkaktuara përfshijnë edhe humbjen e 37 bagëtive të imëta.

Materialet hetimore për këtë rast i janë kaluar Prokurorisë për veprime të mëtejshme ligjore.

“Në vijim të informacionit paraprak të dhënë mbrëmjen e djeshme, për një aksident rrugor të ndodhur në aksin “Levan-Qarr”, informojmë se specialistët e Sektorit të Policisë Rrugore të DVP Fier arrestuan shtetasin L. Dh., 26 vjeç, banues në fshatin Pishporo, sepse nga kryerja e testit të alkoolit, pas aksidentit, rezultoi se e drejtonte automjetin, në gjendje të dehur. Nga ky aksident u dëmtuan lehtë shtetasi L. Dh. dhe 3 pasagjerë. Gjithashtu, ngordhën 37 bagëti të imëta”, thuhet në njoftimin e policisë

LEXONI GJITHASHTU:

• Aksident në Lushnjë! Autoboti përplaset me mjetin buqësor humb jetën shoferi
• Aksident tragjik në Itali, ndërron jetë i riu shqiptar. Në gjendje të rëndë 2 miqtë