Shkarkimi i drejtorëve në Vlorë, paralajmëron Rama: Sot jam në Fier, nesër në Durrës

Pas shkarkimit të drejtorëve në Bashkinë e Vlorës, kryeministri Rama ka paralajmëruar së do të bëjë të njëjtën gjë në Bashkinë e Fierit dhe të Durrësit.

Shefi i qeverisë deklaroi në një bashkëbisedim me ndjekësit në rrjete sociale se pasditen e kësaj të marte do të jetë në Fier dhe Durrës, ku do të vazhdojë me të njëjtën përpjekje si në Vlorë.

“Sot pasdite jemi në Fier dhe pastaj në Durrës, ku do të vazhdojmë të njëjtën përpjekje. Një vetëpastrim dhe vetëqetësim i brendshëm i strukturës”, tha Rama, ndërsa shtoi se kjo është një domosdoshmëri pas një periudhe të gjatë qëndrimi në të njëjtat pozicione të të njëjtëve njerëz.

Më tej ai tha se duhen sy të freskët, duhet një përpjekje shtuar, një hov i ri, sepse 12 mandate në Fier, janë sipas tij histori e shkruar nga dhjetëra mijëra mbështes, që kërkojne më shumë cilësi jete.

“Sot pasdite jemi në Fier dhe pastaj në Durrës, ku do të vazhdojmë të njëjtën përpjekje. Një vetëpastrim dhe vetëqetësim i brendshëm i strukturës. Domosdoshmëri pas një periudhe të gjatë qëndrimi në të njëjtat pozicione të të njëjtëve njerëz, por edhe si rrjedhojë e domosdoshmërisë për ta parë realitetin e qyteteve tona të mëdha një realitet në transformim të vazhdueshëm.

Duhen sy të freskët, duhet një përpjekje shtuar, një hov i ri, sepse 12 mandate në Fier, janë histori, e shkruar nga dhjetëra mijëra mbështes tanë në zonë, diasporë, që kërkon të vazhdojë të shkruhet si një kapitull i ri, që kanë nevojë për më shumë cilësi jete”, tha Rama.

LEXONI GJITHASHTU:

• Prokuroria e Shkodrës reagon ndaj deklaratave të Ramës për objektet në Theth
• Theth| Rama ndan videon e prishjes së fshatit turistik: Shikojeni, betoni i dynjasë