Nisma e opozitës për shkarkimin e kryeparlamentares Lindita Nikolla do të kalojë për votim në seancë e Kuvendit. Krahas raportit të opozitës, deputetë do të votojnë dhe raportin e hartuar nga mazhoranca ku kundërshtojnë shkarkimin.

Në mbledhjen e këshillit të legjislacionit këtë të premte ishte vetëm mazhoranca ajo që prezantoi raportin e saj lidhur me pretendimet dhe kërkesën e 28 deputetëve të PD-së, për të shkarkuar kryeparlamentaren Lindita Nikolla.

Gazmend Bardhi si relator dhe përfaqësues I opozitës, nuk mundi të prezantonte raportin që më pas do t’i përcillet kuvendit për votim, pasi vetëm 2 ditë më parë ai dhe 8 deputetë të tjerë u përjashtuan me 10 ditë.

Vendim të cilin deputetja demokrate dhurata Çupi, e cilësoi si të mirëmenduar për të pamundësuar prezantimin e raportit të opozitës.

Ndërsa deputeti Saimir Korreshi e sfidoi mazhorancën me protestën e së shtunës.

Dy raportet, të PS dhe PD, lidhur me kërkesën për shkarkimin e Lindita Nikollës nga posti i kryetares së parlamentit do të kalojë në seancë plenare për t’u votuar me shumicë të thjeshtë votash.

LEXONI GJITHASHTU:

• Kuvendi seancë të pazakontë/ Deputeti i PD-së i bie bilbilit, Nikolla e paralajmëron
• “Keni falsifikuar procesverbalin, të anullohet seanca”, Vasili përplaset me Nikollën