Shkëputet Leverkuseni në krye, Bayerni “dorëzohet” ndaj Bochum

Humbjet e Bayernit tanimë nuk janë më një surprizë, por ajo dyshimet natyrisht nuk mungojnë, për faktin se si kjo skuadër po humbet ndaj cdo kundërshtari. Në 3 sfidat e fundit të luajtura, rekordmenët e Gjermanisë nuk kanë asnjë fitore, duke nisur nga disfata me Leverkusenin, më pas humbja ndaj Lazio në Champions dhe të dielën në transfertën me Bochum. Ajo çka aktualisht mund të kuptohet është se pozitat e trajnerit Tuchel janë duke u lëkundur, e me gjasa ky i fundit mund ta mbyllë aventurën para kohe.

Për t’u rikthyer tek e diela, Bayern u mposht nga Bochum me përmbysje 3-2, duke konfirmuar dhe një herë tjetër që nuk është gati për garën për titull. Gjithçka nisi mirë për bavarezët që shënuan të parët me Musialan, por vendësit përmbysën që në pjesën e parë me Asano e Schlotterbeck, teksa në fraksionin e dytë i dërguan shifrat në 3-1 me anë të Stoger. Upamecano u ndëshkua sërish me kartonin e kuq ashtu si ndaj Lazio, duke lënë ekipin në inferioritet numerik, por pavarësisht këtij fakti Kane ngushtoi diferencën e golave në 3-2, aq sa do të ishte dhe rezultati përfundimtar.

Bayern nuk po gjen qetësi e po ashtu dhe Tuchel, i cili në rast të një eliminimi të mundshëm nga Liga e Kampionëve, me gjasë do t’i lironte vendin dikujt tjetër, teksa pakënaqësitë ndaj tij janë jo vetëm për rezultatet, por edhe për merkaton e deri më tani.

LEXONI GJITHASHTU:

• Monza i shkakton disfatë Milanit, kuqezinjtë pësojnë 4 gola
• Shqipëria fiton medalje ari në Kampionatin Europian, Dudaev shpallet kampion