Shkimtari Ismail Kadare vlerësohet me dekoratën “Ukshin Hoti”

Komuna e Rahovecit në një ceremoni rasti ka vlerësuar me dekoratën “Ukshin Hoti”, shkrimtarin tonë të shquar Ismaili Kadare. Aty u kujtua komunikimi i Kadares dhe Ukshin Hotit, në kohën kur ky i fundit ishte në burg. Ndërkohë, u tha se besimi i Ukshin Hotit te Evropa nuk duhet të humb tek të gjithë në Kosovë.

Kryetari i Komunës së Rahovecit, Smail Latifi foli për kontributin dhe veprën e Ukshin Hotit, si dhe komunikimin në mes Hotit dhe shkrimtarit Kadare.

Bashkëshortja e Ismaili Kadare, shkrimtarja Helena Kadare tha se Ukshin Hoti është një njeri që besoi dhe luftoi për ide duke besuar në një forcë të jashtëzakonshme që është në shpirtin e këtij vendi të cilin historia e ka ndëshkuar vazhdimisht.

Ajo shtoi se gjithë veprimtaria e Ukshin Hoti janë një testament i rëndësishëm mbi të cilin duhet të vijojë puna për Kosovën demokratike që sheh drejt Evropës.

Kurse, kryetari i Aleancës për Ardhmërinë e Kosovës, Ramush Haradinaj tha se Kosovës iu është imponuar lufta dhe shumica e këtyre plagëve nuk njihen nga aleatët tanë e lëre më nga ata që i kanë shkaktuar, mirëpo njerëzit e Kosovës duhet ta gjejnë fuqinë e pajtimit dhe të jetojnë në paqe, duke mos harruar.

Të pranishmit i përshëndeti edhe rektori i Universitetit të Prizrenit, ‘Ukshin Hoti”, Mentor Alishani, si dhe djali i veprimtarit të Ukshin Hotit, Andin Hotit.

Para zhvillimi të kësaj ceremonie, me rastin e shënimit të 80-vjetorit të lindjes së atdhetarit Ukshin Hoti, është përuruar kompleksit kulturor-historik në në Krushë të Madhe.

LEXONI GJITHASHTU:

• Video-skandali i Gjicit, Qarri: Duhet të merremi pse këta njerëz janë në këto poste
• Panairi i librit në Kosovë, shkrimtari Ismail Kadare bëhet pjesë e edicionit të 23