Shkodër| Me armë zjarri e municion, arrestohet pas sherrit për pasagjerë 63-vjeçari

Një 63-vjeçar në Shkodër ka rënë në prangat e Policisë, pas një konflikti me një 52-vjeçar për arsye konkurrence për transport pasagjerësh.

Përmes një njoftimi Policia bën të ditur se 63-vjeçari mbante pa leje një armë zjarri tip pistoletë dhe municion luftarak, të cilat u sekuestruan në cilësinë e provës materiale.

Ndërkohë 52-vjeçari i përfshirë në konflikt është dëmtuar fizikisht dhe ndodhet në spital nën kujdesin e mjekëve.

Materialet proceduriale i kaluan Prokurorisë për veprime të mëtejshme.

Njoftimi i Policisë:

Shkodër-U konfliktua fizikisht për arsye konkurrence me një 52 vjeçar dhe mbante pa leje armë zjarri e municion luftarak, vihet në pranga 63 vjeçari.

Policia sekuestron një armë zjarri psitoletë dhe municion lutarak.

Rreth orës 11:15, në lagjen “Vojo Kushi”, shtetasi C. S., 63 vjeç, dyshohet se për motive konkurrence, para stacionit të furgonave për transport pasagjerësh është konfliktuar fizikisht me shtetasin D. Gj., 52 vjeç.

Si pasojë 52-vjeçari është dëmtuar fizikisht dhe ndodhet në spital për ndihmë mjekësore.

Shërbimet e Policisë me marrjen e njoftimit kanë shkuar menjëherë në vendin ku po ndodhte konflikti duke ndërhyrë dhe parandaluar përshkallzimin e  mëtejshëm të konfliktit.

Shërbimet e Policisë gjatë kontrollit të banesës së shtetasit C. S, kanë gjetur dhe sekuestruar një armë zjarri pistoletë dhe municion luftarak, të cilat 63 vjeçari i mbante pa leje.

Në përfundim të  veprimeve të kryera nga Specialistët për Hetimin e Krimit në Komisariatin e Policisë Shkodër, u bë arrestimi në flagrancë i shtetasit C. S.

Materialet procedurale shtesë i kaluan Prokurorisë pranë Gjykatës së Shkallës së Parë të Juridiksionit të Përgjithshëm Shkodër për veprat penale “Plagosja e rëndë me dashje” dhe “Prodhimi dhe mbajtja pa leje e armëve luftarake dhe municionit”.

LEXONI GJITHASHTU:

• EMRAT| Të shtëna me armë zjarri në Tiranë, 2 persona të plagosur
• Të shtëna me armë zjarri në Shkodër, raportohet për 1 viktimë