Policia e Shkodrës ka përfunduar me sukses operacionin “Time”, duke arrestuar 47-vjeçarin G. M., i shpallur në kërkim për tentativë vrasjeje ndaj një 24-vjeçari.
Në momentin e ndalimit, atij iu gjet një armë zjarri pistoletë me krehër dhe municion luftarak.
Sipas hetimeve, më 11 maj 2024, në lagjen “Salo Halili”, G. M. dyshohet se ka qëlluar me armë zjarri ndaj shtetasit J. O., 24 vjeç, duke e plagosur në këmbë për motive të dobëta. Gjykata e Shkallës së Parë e Juridiksionit të Përgjithshëm Shkodër kishte caktuar ndaj tij masën e sigurisë “Arrest në burg” për veprat penale “Vrasja me paramendim”, mbetur në tentativë, dhe “Prodhimi dhe mbajtja pa leje e armëve, armëve shpërthyese dhe i municionit”.
Materialet procedurale i janë dorëzuar Prokurorisë për veprime të mëtejshme.
LEXONI GJITHASHTU:
- RENEA kontrolle në Dobraç të Shkodrës, shoqërohet Safet Bajri
- Tentoi të largohej pasi vodhi një makinë, arrestohet 40-vjeçari në Shkodër
