Forcat RENEA kanë kryer kontrolle në Dobraç të Shkodrës që në orën 5:30 mëngjesin e kësaj të marte. Nga ky aksion i RENEA-s janë kryer kontrolle në banesat e familjes Bajri ku sipas burimeve, pas kontrolleve aty është shoqëruar për tu marrë në pyetje Safet Bajri.

Kontrollet e zhvilluara nga këto forca speciale qëndrojnë lidhur me masakrën e Dobraçit ku u vranë 4 persona, mes tyre 2 të pafajshëm.

Ndërkaq, burime bëjnë me dije se nga SPAK janë lëshuar 5 urdhërarreste që pritet të ekzekutohen ditët në vijim, dy nga të cilat janë në ngarkim të shtetasve Izmir Sakica dhe Samuel Troshani të cilët janë vetëdorëzuar në Policinëe Shkodrës për një vepër tjetër penale ku më pas, SPAK ka ngritur akuzën për përfshirje të tyre në ngjarjen e 30 tetorit në Dobraç.

Tjetër urdhër arrest është lëshuar në ngarkim të një personi i cili ka vjedhur makinën me të cilën dyshohet të jetë kryer vrasja në zonën e Dobraçit.

Dy personat e tjerë janë ende të panjohur nga Prokuroria e Posaçme.

Më 30 tetor 2024 në zonën e Dobraçit persona ende të paidentifikuar qëlluan nga një makinë drejt makinës, tip Benz S-Class, ku po udhëtonte Hamza Lici dhe Arlind Bushati dhe një person i tretë.

Nga të shtënat makina që drejtohej nga Hamza Lici, 23 vjeç humbi kontrollin dhe përplasi motorin ku udhëtonin dy qytetarë të pafajshëm, çifti Flutura dhe Bashkim Basha të cilët humbën jetën.

Ndërsa Arlind Bushati humbi jetën, po atë ditë pak orë më pas në spital.

LEXONI GJITHASHTU:

• Vrasja e Lulzim Vishës, RENEA sërish kontrolle në banesën e Ervis Lamit në Kamëz
• Të dyshuar për masakrën e Dobraçit, dorëzojnë armët Troshani dhe Sakica