Shkodër, shpërthim tritoli në banesën e shefit të krimeve në Polici (VIDEO)

Një sasi tritoli ka shpërthyer përpara banesës së shefit të seksionit për hetimin e Krimeve në komisariatin e Shkodrës. Policia bën me dije se bëhet fjalë për Pëllumb Shpatin.

Mësohet se ngjarja  ka ndodhur rreth orës 03:50, të mëngjesit në lagjen Dobraç.

Si pasojë janë shkaktuar dëmtime të lehta në banesën e tij, si dhe është dëmtuar automjeti i tij.

Grupi i posaçëm hetimor i ngritur për zbardhjen e kësaj ngjarjeje, nga veprimet e para hetimore, ka siguruar prova që do të çojnë në identifikimin dhe kapjen e autorit/ëve.

Nën drejtimin e Prokurorisë pranë Gjykatës së Rrethit Gjyqësor Shkodër, vijon puna për zbardhjen e rrethanave të kësaj ngjarjeje.

Ngjarja vjen pikërisht në ditën e110 vjetorit të krijimit  të policisë.

LEXONI GJITHASHTU: 

• Fermeri: Feta grek bëhet me qumësht dele shqiptar
• 90 vjeç, njihuni me kamionistin më të vjetër në botë
• Kompania indiane: 1200 dollarë gjobë nëse shqetësoni kolegun gjatë pushimeve