Edmont Çeka, është një 58-vjeçar nga Rrësheni i cili është gjetur pa shenja jete në rrugën e Kapshticës, në Korçë.
Policia në vendngjarje ka bërë një këqyrje paraprake të trupit dhe nuk janë konstatuar shenja dhune. Nga hetimet dyshohet se ai ka humbur jetën si pasojë e të ftohtit ekstrem ose nga një arrest kardiak.
Ndërkaq, mësohet se Edmont Çeka kishte shkuar në Korçë për të kërkuar punë si bari.
58-vjeçari kishte katër ditë që lëvizte në qytetin e Bilishtit dhe fshatrat përreth në kërkim të një pune qoftë dhe bari.
Në kushtet kur e ka pasur të pamundur gjetjen e një pune, 58-vjeçari në këmbe ka marrë rrugën e njohur se “shtegu i refugjatëve” për të kaluar në anën tjetër të kufirit për në shtetin helen.
Ajo çfarë mësohet është se në trupin e 58-vjeçarit nuk janë konstatuar shenja dhune. Do Do të jetë “Mjekësia Ligjore” ajo që do të përcaktojë shkakun e vdekjes se tij.
LEXONI GJITHASHTU:
- Të rinjtë me probleme në zemër, 4 të vdekur brenda 25 ditëve në Korçë
- Humb jetën minatori në Bulqizë, pësoi atak kardiak në subjektin minerar
