Shoqërohet në polici Endrit Dokle, ish-anëtar i bandës së Durrësit

Ish-anëtari i bandës së Durrësit, Endrit Dokle është shoqëruar në Drejtorinë e Policisë së Tiranës, mbrëmjen e sotme.

Dyshohet se Dokle është shoqëruar në polici, pasi po lëvizte me një mjet të blinduar së bashku me një person të shpallur në kërkim.

Ish-anëtari i bandës së Durrësit, Indrit (Endrit) Dokle është liruar nga burgu më 14 janar të vitit 2020. Ishte gjyqtarja e Gjykatës së Krujës, Enkelejda Hoxha, ajo që mori vendimin.

Dokle njihet për armiqësinë e tij me Ervis Martinajn, i cili rezulton i zhdukur që prej muajit gusht, ndërsa ende nuk duhet ashjë në lidhje me fatin e tij.  Sipas dëshmive të Nuredin Dumanit, Ervis Martinaj ishte gati të jepte një shifër prej 500 mijë euro për eliminimin e Indrit Dokles.

Ky i fundit u mor në pyetje nga autoritetet, por është shprehur se nuk ka asnjë lidhje me zhdukjen e të shumëkërkuarit Martinaj.

“Unë nuk kam asnjë lidhje me këtë ngjarje. Dhe po kështu nuk kam asnjë konflikt me Ervis Martinaj”- deklaroi ai.

LEXONI GJITHASHTU: 

• Gjyqtarja që nxori nga burgu Indrit Doklen liroi edhe Hekuran Billën, prokuroria ishte dakord
• Ferhati: Bandat mund të jenë bërë bashkë për të eliminuar Ervis Martinajn