“Shoqërohet në polici kryetarja e komunës në Kosovë”, gazetarja jep detajet: Ja pse po merret në pyetje

Në lidhje të drejtpërdrejtë nga Kosova për Euronews Albania me Mirela Milori ishte gazetarja, Pranvera Beluli, e cila tha se në përgjithësi procesi zgjedhor është zhvilluar pa icidente. Ajo theksoi gjithashtu se nuk kanë munguar as incidente e vogla.

Sipas saj, në disa komuna ka pasur tentim nga qytetarë të ndryshëm, të cilët kanë dashur ti ndihmojnë të afërmit e tyre për të votuar, por nuk u është lejuar.

“Ajo që më së shumti po përmendet dhe është duke u diskutuar, është një problem që është shfaqur në komunën e Ranillugut, ku kryetarja e kësaj komune është shoqëruar në polici dhe po intervistohet. Ajo po intervistohet përshkak se dyshohet se ka ushtruar trysni ndaj votuesve, të cilët kanë qenë të papërcaktuar për kë do të votojnë. Në këto momente, nga informacionet që kemi nga institucionet zyrtare nga policia, ajo është duke u intervistuar”, tha ajo.