Kryetari i Grupit Parlamentar të Partisë Demokratike Gazment Bardhi, me anë të një postimi në rrejtët sociale e ka quajtur  vendimin e sotëm për shpalljen e zgjedhjeve në Himare të jashtëligjshëm.

Ai u shpreh se Presidenti i Republikës ka shkelur Kushtetutën dhe ligjin duke dekretuar zgjedhje pa një vendim të ekzekutueshëm ende për pavlefshmëri të mandatit të kryebashkiakut të zgjedhur të Himarës

Bardhi gjithashtu shprehet se Begaj po sillet si vartës i kryeministrit Rama

Reagimi i Kryetarit të Grupit Parlamentar të PD Gazment Bardhi:

Çfarë turpi për Pesidentin e Republikës që shkel hapur Kushtetutën dhe ligjin duke dekretuar zgjedhje pa një vendim të ekzekutueshëm ende për pavlefshmëri të mandatit të kryebashkiakut të zgjedhur të Himarës.

Teatri i sotëm i koordinuar mes Edi Ramës dhe një gjenerali të bërë ushtar, është një atentat ndaj shtetit ligjor, që tregon asgjësimin politik të institucionit të Presidentit të Republikës. Vendimi i sotëm i KQZ nuk është ende i ekzekutueshëm pa kaluar afati i ankimit.

Presidenti i Republikës Bajram Begaj gabon rëndë kur mendon se problemet e tij të integritetit në detyrat shtetërore pararendëse do i tejkalojë duke u sjell si vartës i rëndom i Edi Ramës.