Dy të rinj të moshës 27 dhe 20 vjeç kanë rënë në prangat e policisë së Tiranës, pasi u ndaluan në flagrancë duke shpërndarë lëndë narkotike kanabis sativa.

Të rinjtë u arrestuan nga policia në zonën e Parkut të Liqenit Artificial të Tiranës, pas informacioneve të marra në rrugë operative për përfshirjen në aktivitetin kriminal.

Në cilësinë e provës materiale u sekuestrua lënda narkotike dhe shuma parash të përfituara nga shitja e saj.

Materialet procedurale në ngarkim të dy të rinjve i kaluan Prokurorisë.

“Si rezultat i këtij operacioni u arrestuan shtetasit M. O., 27 vjeç, dhe K. S., 20 vjeç, të dy banues në Tiranë.

Shërbimet e Komisariatit Nr. 1, kanë lokalizuar dhe ndaluar shtetasin M. O., të cilit gjatë kontrollit fizik, i kanë gjetur doza me lëndë të dyshuar narkotike kanabis, dhe nga verifikimet e kryera ka rezultuar se këto doza i kishte siguruar nga shtetasi K. S.  Nga veprimet hetimore ka rezultuar se shtetasi K. S., pasi siguronte lëndë narkotike kanabis, e shiste atë në zonën e Parkut të Liqenit Artificial të Tiranës”, thueht mes të tjerash në njoftimin e policisë.

LEXONI GJITHASHTU:

• (EMRAT) Shpërndanin drogë në Mykonos, arrestohen dy shqiptarë
• Shisnin lëndë narkotike në lokalet e natës në Himarë, arrestohen dy shtetasit