Shpërndante kokainë dhe kanabis, arrestohet 27-vjeçari. Çfarë i gjeti policia

Një 27-vjeçar është arrestuar nga Policia e Fierit për përfshirje në veprimtarinë kriminale në fushën e narkotikëve.

Operacioni policor i koduar “Kontaktet” çoi në prangosjen e shtetasit L. H., banues në fshatin Bishtçukas, i cili siguronte, përgatiste dhe shpërndante lëndë narkotike në qytetin e Divjakës.

Gjatë kontrollit të ushtruar në banesën e tij, u gjetën dhe sekuestruan:

• 142 gramë kokainë,
• 205 gramë cannabis sativa,
• Dhjetëra doza të gatshme kokainë dhe cannabis,
• Pajisje për ndarjen dhe paketimin e narkotikëve,
• Shuma parash në valuta të ndryshme, të përfituara nga shitja e lëndëve narkotike,
• 6 celularë dhe një automjet.

Arrestimi erdhi si rezultat i një hetimi të përbashkët nga Seksioni për Hetimin e Narkotikëve, Seksioni për Mbështetjen Operacionale të Hetimit dhe Komisariati i Policisë Divjakë. Pas sigurimit të informacioneve operative, u organizua një operacion që çoi në kapjen e 27-vjeçarit në flagrancë, së bashku me sasinë e konsiderueshme të lëndëve narkotike që ai mbante me vete.

Materialet procedurale i janë dorëzuar Prokurorisë së Fierit për veprime të mëtejshme, ndërkohë që hetimet vijojnë për të identifikuar dhe ndjekur bashkëpunëtorë të tjerë të mundshëm në këtë rrjet të trafikut të lëndëve narkotike.

LEXONI GJITHASHTU:

• Emrat/ Dyshohet se kryen 6 vjedhje brenda javës, arrestohen 2 persona në Durrës
• Kanosi pronarin e lokalit dhe goditi me grusht policin, arrestohet 37-vjeçari