Shpërndante kokainë dhe kanabis pranë shkollave, arrestohet 55-vjeçari në Burrel

Një 55-vjeçar është arrestuar nga policia e Matit pasi shpërndante lëndë narkotike të llojit kanabis dhe kokainë pranë shkollave në Burrel.

Në pranga u vu shtetasi I.D., 55 vjeç, banues në njësinë Administrative Baz. Gjatë kontrollit në automjetin që lëvizte 55-vjeçari, shërbimet e Policisë i gjetën dhe sekuestruan disa doza me lëndë të dyshuara narkotike kokainë, të ndara në doza, gati për shitje.

Gjithashtu, nisi procedimi penal për shtetasin K.I., 34 vjeç, banues në Burrel, pasi u kap në flagrancë me një sasi kanabisi e ndarë në doza, gati për shitje.

Nga veprimet hetimore të kryera,  ka rezultuar se këta shtetas pasi siguronin lëndën narkotike,  e ndanin në doza, të cilat i shisnin në afërsi të shkollave dhe në ambiente të ndryshme të qytetit të Burrelit.

LEXONI GJITHASHTU:

• EMRAT/ Shpërndanin kokainë në Korfuz, 14 të arrestuar, mes tyre disa shqiptarë
• EMRI| Athinë, arrestohet me 45 kg kokainë, 45-vjeçari nga Fieri