Shpërndante lëndë narkotike dhe mbante armë zjarri, arrestohet 22-vjeçari

22-vjeçari Jorgaq Dolani është vënë në pranga pasi akuzohet se shpërndante lëndë narkotike, mbante armë zjarri dhe municion luftarak.

Gjatë operacionit të zhvilluar nga Seksioni për Hetimin e Narkotikëve dhe Trafiqeve të Paligjshme, në DVP Korçë, i koduar “Hidden gun”, atij ju sekuestruan 1 armë zjarri automatik, 2 krehra me fishekë, 3 thika dhe një sasi kanabisi.

Hetimet për 22-vjeçarin vijojnë, ndërkohë Materialet për këtë çështje i kaluan gjykatës së Shkallës së Parë në Korçë.

“Në vijim të operacioneve të njëpasnjëshme për goditjen e veprimtarive kriminale të shitjes së lëndëve narkotike dhe të armëmbajtjes pa leje, specialistët e Seksionit për Hetimin e Narkotikëve dhe Trafiqeve të Paligjshme të DVP Korçë, bazuar dhe në informacionet e siguruara nga inteligjenca informative, finalizuan operacionin e koduar “Hidden gun”.

Si rezultat i këtij operacioni u kap dhe u arrestua në flagrancë shtetasi J. D., 22 vjeç, banues në Korçë, pasi iu gjetën 1 armë zjarri automatik, 2 krehra me fishekë, 3 thika dhe një sasi kanabisi, të cilat u sekuestruan në cilësinë e provës materiale.

Vijojnë veprimet hetimore për dokumentimin e plotë të veprimtarive kriminale të këtij shtetasi.

Materialet i kaluan Prokurorisë pranë Gjykatës së Shkallës së Parë Korçë, për veprime të mëtejshme”, thuhet në njoftimin e policisë.

LEXONI GJITHASHTU:

• Bie nga skela teksa lyente, ndërron jetë tragjikisht 49-vjeçari shqiptar në Mykonos
• Bolsonaro nën hetim për 3,2 mln dollarë bizhuteri “dhuratë” nga sauditët