Shpërndau kabinetin, Macron: Populli francez do të bëjë zgjedhjen më të drejtë

10 Qershor 2024 | 10:57

Franca nisi të përgatitet për votime, pasi presidenti Emmanuel Macron shpërndau parlamentin dhe thirri zgjedhjet e parakohshme për datën 30 qershor.

Macron doli me këtë vendim pasi partia e tij pësoi humbje të madhe kundrejt partisë së ekstremit të djathtë të Marine Le Penit, në zgjedhjet për Parlamentin Evropian.

“Kam besim në aftësinë e popullit francez për ta bërë zgjedhjen më të drejtë për veten dhe për brezat e ardhshëm”, shkroi Macron të hënën në platformën X.

“Ambicia ime e vetme është të jem i dobishëm për vendin tonë që e dua shumë”, shtoi ai.

Zgjedhjet për Parlamentin Evropian u mbajtën në të gjitha vendet e Bashkimit Evropian nga data 6 deri më 9 qershor.

Partia Fronti Kombëtar e Le Penit siguroi mbi 30 për qind vota më shumë se Rilindja e qendrës e Macronit.

Partitë e ekstremit të djathtë, në fakt, shënuan përparime edhe në disa vende të tjera, si Gjermani, Spanjë e Itali.

Megjithatë, shumicën në Parlamentin Evropian, i cili ka 720 vende, pritet ta formojë sërish Partia Popullore Evropiane e qendrës së djathtë, e cila, sipas rezultateve preliminare, ka fituar 184 vende.

LEXONI GJITHASHTU:

Home Kryefaqja
Shiko në: YouTube
Lajme të Sugjeruara

Tërmetet në Venezuelë, rritet në 1,450 numri i viktimave. 3,150 persona janë plagosur

Të paktën 1,450 persona janë konfirmuar të vdekur pas dy tërmeteve që tronditën Venezuelën javën e kaluar, sipas Presidentit të Asamblesë Kombëtare Jorge Rodriguez në...
20:22 | 28/06/2026

Tentoi t’i arratisej policisë, shoferi përplaset me makinën që priste në semafor. 2 të vdekur dhe 1 i plagosur në Barcelonë

Një aksident i rëndë u regjistrua këtë të diele në Barcelonë, kur dy persona humbën jetën dhe një tjetër u plagos. Shoferi i njërit mjet...
18:54 | 28/06/2026

Trump kontrollon projektet e rinovimit në Uashington

Presidenti amerikan, Donald Trump kontrolloi disa nga projektet e tij të rinovimit në Uashington DC të dielën në mëngjes, duke filluar me një shëtitje në...
18:20 | 28/06/2026