Shpërthejnë fishekzjarret te pika e shitjes, një i plagosur rëndë në Kosovë

Një incident është regjistruar në Kosovë, në prag të ndërrimit të viteve. Në rrugën “Ahmet Prishtina”, në Prizren, në datën 31.12.2024 rreth orës 21:33 kanë shpërthyer aksidentalisht lëndët piroteknike te një pike shitje në trotuar.

Si pasojë janë shkaktuar dëme të shumta materiale te bizneset aty ndërsa një person ka mbetur i lënduar rëndë dhe është dërguar menjëherë në Qendrën Klinike Universitare të Kosovës (QKUK).

Policia e Kosovës ka dalë në një njoftim zyrtar ku shpejgon rrethanat e ngjarjes.

“Policia në Prizren dt. 31.12.2024 rreth orës 21:33 ka pranuar një informatë se në rrugën “Ahmet PRISHTINA” në Prizren, kishte ndodhur një shpërthim i zjarrit nga ndezja e një pike shitje e mjeteve piroteknike në trotuar të rrugës. Dhe si pasojë është përhap zjarri edhe në lokalet dhe ndërtesat për rreth kësaj pike shitjeje, deri më tani kemi një të lënduar i cili është në Emergjencë. Gjendja e tij është me lendime të rënda sipas informates është dërguar për në QKUK- Prishtinë. Si dhe deme materiale të shumta në objekte dhe automjete të parkuara në atë pjesë, janë informuar njësitet patrulluse të cilat kanë dalë në vendin e ngjarjes dhe i kanë ndërmarrë veprimet ligjore në lidhje me këtë rast. Po astu në vend ngjarje për kanë dalë edhe njesiti i zjarrfikesve të cilet kanë arritur ta shuajnë zjarrin si dhe Inspektori i tregut i cili po ashtu është në vend ngjarje, edhe teknika kriminalistike ka dalë në vendin e ngjarjes me hetuesin kujdestar. Duhet çekur se për momentin situata është nënkontrollin policor dhe janë duke vazhduar me trajtimin e këtij rasti”, ka deklaruar Policia e Kosovës.

Ndërsa nga festimet në orët e ndërrimit të viteve janë lënduar 24 persona.

LEXONI GJITHASHTU:

• Festimet për Vitin e Ri/ 16 persona të dëmtuar nga fishekzjarret!
• Viti i Ri 2025 “troket” në Shqipëri! Spektakël fishekzjarresh në çdo qytet