Shpërthen ish-deputeti: Xhupi i një ministri kushton sa 5-vite rrogë e një mësuesi

Ish-deputeti i Partisë Demokratike Gerdi Bogdani, foli në studion e Euronews në lidhje me aferën McGonigal dhe pagesën prej 225 mijë euro që ai mori nga Agron Neza.

Bogdani tha se skeptikët të cilët nuk e besojnë që ish-zyrtari i FBI-së nuk është korruptuar nga kryeministri Rama, le të shohin veshjet e zyrtarëve për të parë nivelin e korrupsionit në qeveri.

Ai theksoi se ka ministra të cilëve një xhup iu kushton sa 5 vite rrogë e një mësuesi.

“Nuk po marim 225 mijë euro që mori McGonigal, marrim 400 mijë eurot e Alda Klosit te tubi i sobës. Nuk po marrim milionat e Arben Ahmetaj por marrim këpucët e sekretarëve të ministrive. E kupton që në këtë qeveri, këpucët dhe atletet e një sekretarjeje të qeverisë bëjnë sa rroga 1-vjeçare e një mësuesi apo një infermiereje. Xhupi i një ministri bën sa 4-5 vite rrogë të një mësuesi ose një infermiereje.

Nëse nuk janë të qartë për ato 225 mijë eurot që ka marrë McGonigal në ambientet e restorantit atëherë ja ku i keni provat”, tha Bogdani.

LEXONI GJITHASHTU:

• Deklarata e fortë e Zekës: Dyshime që VV vrau aktivistin, si e përdori Albin Kurti
• Putin do të takohet me Lukashenkon të premten, thotë Kremlini