Shpërthen në flakë makina me njerëz në “Qafë Murrizë”, informacionet e para

Një automjet tip Benz ka shpërthyer në flakë në vendin e quajtur “Qafë Murrizë”, në Klos.

Në momentin që makina është përfshirë nga flakët në të ndodheshin disa persona, të cilët fatmirësisht kanë mundur të dalin nga mjeti pa marrë asnjë dëmtim.

Nga hetimet paraprake dyshohet se zjarri është shkaktuar aksidentalisht. Në vendngjarje ndodhet grupi hetimor dhe policia, të cilët po punojnë për sqarimin e rrethanave të ngjarjes.

“Rreth orës 05:00, në vendin e quajtur “Qafë Murrizë”, ka marrë flakë në ecje e sipër dhe është djegur  automjeti tip “Benz”, i cili drejtohej nga shtetasi N.S. Nuk ka dëme në njerëz.

Nga veprimet e para hetimore dyshohet se zjarri është shkaktuar aksidentalisht”, njofton policia.