Në Sudan ka shpërthyer sëmundja e Kolerës. Ministria Federale e Shëndetësisë raportoi një rritje të rasteve të kolerës. Gjatë ditëve të fundit janë regjistruar 556 raste dhe 27 vdekje. Zona më e prekur është në Sudanin Lindor.

Për të luftuar shpërthimin e mëtejshëm, qeveria ka nisur një fushatë vaksinimi ndaj kolerës. Megjithatë, vaksinat cilësohen të pamjaftueshme për shkak të numrit të lartë të populësisë.

Zyrtarët shëndetësorë kanë bërë thirrje për furnizime shtesë për të përmbushur kërkesën. Në një takim të Qendrës Federale të Operacioneve Emergjente mjekët kërkuan një fushatë të gjerë për të trajtuar epideminë e kolerës. Kjo përfshin bashkëpunimin me ministritë shtetërore të shëndetësisë, Organizatën Botërore të Shëndetësisë dhe UNICEF-in.

Sudani, cilësohet si një nga vendet më të varfra të Afrikës Veriore dhe ka një popullsi prej 46 milionë banorësh. Agjencia Botërore e Shëndetësisë ka kërkuar raporte të përdisthme lidhur me situatën e sëmundjeve infektive.

LEXONI GJITHASHTU:

• OBSH: Më shumë se 300 vdekje nga kolera janë raportuar në Sudan
• Masakër në Sudanin e Jugut, 15 persona vriten në një sulm të armatosur