Një shpërthim me tritol ka tronditur Shkodrën në orët e para të mëngjesit të kësaj të enjteje. Ngjarja ka ndodhur në lagjen Skenderbeg të qytetit, ku lënda plasëse është vendosur në portën e një agjencie funeralash. Ende nuk dihen arsyet e shpërthimit ndërkohë që policia po vijon punën për identifikimin dhe kapjen e autorëve.
Grupi hetimor po kryen kqyrjen e kamerave të bizneseve për të bërë të mundur zbardhjen e ngjarjes.
“Rreth orës 03:20, në lagjen “Skenderbeg”, në derën e një agjencie funerale në pronësi të shtetases F. F., është hedhur një sasi e vogël lëndë plasëse.
Si pasojë ka vetëm dëme materiale.
Grupi hetimor nën drejtimin e Prokurorisë vijon veprimet për sigurimin e provave me qëllim identifikimin dhe kapjen e autorit/ve”, thuhet në njoftimin e policisë.
LEXONI GJITHASHTU:
- Kush është i riu që u arrestua për shpërthimin në Sarandë, ish-kandidat për deputet
- Po i vendoste tritolin anijes së konkurrentit, si vdiq biznesmeni në Sarandë
