Shpërthim me tritol në derën e banesës në Shkodër

Në lagjen “Tre Heronjtë” në Shkodër, në derën e banesës së shtetasit Ardian Fjerza, është hedhur lëndë plasëse në orët e para të mëngjesit të kësaj të diele nga persona ende të paidentifikuar.

Për fat të mirë, nga shpërthimi ka patur vetëm dëme materiale dhe nuk ka lëndime fizike për asnjë person.

Policia ka njoftuar se grupi hetimor, nën drejtimin e Prokurorisë, ka nisur hetimet për mbledhjen e provave që do të ndihmojnë në identifikimin dhe kapjen e autorit apo autorëve të ngjarjes.

Shkodër/Informacion paraprak i policisë:

Në lagjen “Tre Heronjtë”, në derën e banesës së shtetasit A. F., në orët e para të mëngjesit nga persona ende të paidentifikuar është hedhur lëndë plasëse. Si pasojë ka vetëm dëme materiale. Grupi hetimor nën drejtimin e Prokurorisë vijon veprimet për sigurimin e provave me qëllim identifikimin dhe kapjen e autorit/ve.

• “Licët s’i hapën dyert e mortit”- Lala: E sigurt që në makinë ishte 1 person i tretë
• Qitësit ishin 2, iu afruan me Range Rover: Si ndodhi maskara me 3 viktima në Shkodër