Shpërthim në një hidrocentral në Itali, 3 të vdekur dhe 6 të zhdukur

3 persona humbën jetën, 3 u plagosën dhe 6 rezultojnë ende të zhdukur pas një shpërthimi në një hidrocentral në Itali.

Shpërthimi ndodhi në hidrocentralin në digën e Suvijanës, rreth 70 kilometra në jugperëndim të Bolonjës.

Kryetari i bashkisë së qytetit të afërt të Camunjana, Marco Masinara, tha se shpërthimi ndodhi nëntë nivele nën tokë gjatë punës në turbinat, raporton e përditshmja Il Resto di Carlino.

❌#Bologna, #esplosione nel primo pomeriggio di #oggi in una centrale idroelettrica semi-sommersa a Bargi, nei pressi del lago di Suviana: soccorsi 3 operai feriti, #vigilidelfuoco impegnati nelle operazioni di ricerca di possibili dispersi. Intervento in corso [#9aprile 16:30] pic.twitter.com/EsT20o16lM

— Vigili del Fuoco (@vigilidelfuoco) April 9, 2024

Ai tregoi se kishte vështirësi në arritjen e viktimave.

“Brigada e zjarrfikësve po tenton të afrohet në vendin e ngjarjes, por po hasin në vështirësi”, shtoi ai.

Zëdhënësi i kompanisë “Enel Green Power” bëri të ditur se ka rënë zjarr në transformator dhe ka treguar se janë marrë të gjitha masat e sigurisë për evakuimin dhe mbrojtjen e stafit.

Termocentrali është në pronësi të gjigantit italian të energjisë Enel.

Liqeni Suviana është një liqen artificial i vendosur në vargun malor Apenine afër Bolonjës. Liqeni u formua pas ndërtimit të një dige në 1932.

LEXONI GJITHASHTU:

• Operacioni i përbashkët anti-drogë, Shqipëri, Itali, Gjermani, çfarë u sekuestrua
• Operacion i përbashkët antidrogë Shqipëri, Itali, Gjermani, 3 të arrestuar në Vlorë