Shpërthim tritoli te “The Boss” në Lungomare, ish-pronari u vra në 2021

Një shpërthim ka tronditur Vlorën në mëngjesin e kësaj të diele. Ngjarja ka ndodhur në orët e para të mëngjesit në zonën e Lungomares në mjediset e lokalit “The Boss”, ku janë shkaktuar dëme të shumta materiale pas shpërthimit.

Sasia e tritolit është vendosur në pjesën e jashtme të lokalit ndërsa momenti i vendosjes së tij është filmuar nga kamerat e sigurisë së lokalit në fjalë. “The Boss” ishte mbyllur prej disa kohësh por sapo ishte rihapur ditët e fundit.

Lokali sipas policisë së Vlorës është në pronësi të Resmie Birçe e cila e ka trashëguar nga djali i saj Bledar Birçaj i vrarë në Vlorë më 10 Maj 2021 kur po lëvizte me një mjet tip BMW në zonën e quajtur Bishti i Kalldrëmit në Vlorë, ngjarje e cila ende nuk ka autorë të identifikuar.

Njoftimi i Policisë

Rreth orës 06:00, në lagjen “Uji i Ftohtë”, në një lokal, në pronësi të shtetases R. B., ka shpërthyer, dyshohet lënde plasëse, ku si pasojë janë shkaktuar vetëm dëme materiale.

Grupi hetimor vijon veprimet për sqarimin e rrethanave të ngjarjes, identifikimin dhe kapjen e autorit/ëve.

LEXONI GJITHASHTU:

• Shkrumbohet nga zjarri biznesi në Vlorë, shkak rrjedhja e gazit
• Vlora hap festimet e fundvitit: Ndezja e pemës së Vitit të Ri në parkun festiv