Shpërthimi në fabrikën e biskotave në Greqi, prej një muaji kishte rrjedhje propani

Një takim urgjent u mbajt të mërkurën pasdite në Mbrojtjen Civile lidhur me shpërthimin dhe zjarrin në fabrikën “Violanta” në Trikala të Greqisë, që rezultoi në vdekjen e pesë personave. Mësohet se një rrjedhje propani që zgjati për disa muaj, me ndihmën e shkëndijave shkaktoi shpërthimin në fabrikë.

“Rrjedhja vlerësohet të ketë vazhduar për shumë muaj, me pajisjet e zbulimit që regjistruan përqendrime jashtëzakonisht të larta të propanit.

Kjo rrjedhje e konsiderueshme e propanit, përmes tokës, u zhvendos në një distancë prej afërsisht 25 metrash dhe u përmbajtur në një hapësirë ​​nëntokësore, ku, në prani të shkëndijave të shkaktuara nga pajisjet elektromekanike të objektit, çoi në një shpërthim”, njoftuan autoritetet.

Në kohën e zjarrit, fabrika ishte në funksion të plotë, pasi funksionon 24 orë në ditë, dhe në vendngjarje punonin 13 persona. Nga këta persona 5 humbën jetën dhe disa u plagosën.