Shpërthimi në Itali/ 3 të vdekur dhe 5 të plagosur. Zbehen shpresat për të mbijetuar

Autoritetet në Itali vazhdojnë kërkimet për personat e humbur pas një shpërthimi që ndodhi më 9 prill, në një impiant hidroelektrik.

Shpërthimi la të paktën 3 të vdekur dhe 5 të plagosur, sipas të dhënave të mediave lokale.

Ndërkohë, 4 persona të tjerë janë shpallur të humbur dhe shpresat për t’i gjetur të gjallë sa vijnë e zbehen.

Ngjarja ndodhi të martën rreth orës 15, me orën lokale, në impiantin që ndodhet gjysmë i zhytur në liqenin Suviana, në lokalitetin Barxhi. Mbi 100 zjarrfikës kanë marrë pjesë në operacionet e shpëtimit që janë në vazhdim.

Shpërthimi u shkaktua nga një zjarr që ra gjatë punimeve të mirëmbajtjes.

LEXONI GJITHASHTU: 

• Rusia akuzon forcat speciale britanike se po operojnë në Ukrainë
• Policia turke sekuestron 608 kg kokainë, sasia e tretë më e madhe e kapur në vend