Shpëtoi nga mbytja gruan në liqen, vlerësohet “heroina” në Pogradec

Kryetari i bashkisë Pogradec, Ilir Xhakolli, i ka dhënë çerefikatë mirënjohje punonjëses së ndërmarrjes së shërbimeve publike Berie Zykollari, e cila pak ditë më parë kreu një akt human duke shpëtuar nga mbytja në ujrat e liqenit të Ohrit nje 69 vjeçare.

Gjithashtu kryebashkiaku ka vendosur dhe një rrogë shtesë për punonjësen, e cila e ka rastin e dytë të shpëtimit të jetës së njerëzve.

Vite më parë në të njëjtin liqen ajo ka shpëtuar një 5 vjeçar nga mbytja. Akti i Berie Zykollari ka marrë reagime pozitive të shumë qytetarëve në rrjete sociale, të cilët e kanë cilësuar si një gjest heroik.

Zykollari në një reagim për mediat pas ngjarjes deklaroi se hyri e vetme në liqen për të nxjerrë në breg 69 vjeçaren që tentoi të vetëmbytej. Ajo shtoi se burrat e tjerë që ndodheshin aty pranë nuk e kanë ndihmuar.

“Vajta unë të vadit barin aty dhe më thirri një zonjë në kat të dytë më tha “hajde se është mbytur një grua”. Ajo kishte hequr atlketet dhe ishte hedhur siç ishte me rroba. Ishte kthyer përmbys, ishte mbytur dhe gjoli e kishte nxjerrë në breg. Vajta unë pashë nja dy burra, nuk erdhën për ndihmë se thanë “do na marrë i vdekuri”. U thashë: “unë do hidhem unë, le të më marrë i vdekuri”. E tërhoqa dhe e tundja, kur e nxorra në breg fillova ta shtypja dhe i nxora gjuhën. Pastaj erdhi më ndihmoi një djalë se u lodha shumë. I erdhi shpirti. Nja dy tre burra rrinin aty, kur e ngjalla unë, burrat filluan të gëzoheshin dhe të qeshnin”, tha ajo.

LEXONI GJITHASHTU:

• EMRI| Identifikohet 30-vjeçarja që u gjet e mbytur në Kukës
• “Burrat rrinin, nuk erdhën në ndihmë”- Flet gruaja që shpëtoi 67-vjeçaren nga mbytja