Eksperti i ekonomisë, Fatos Çoçoli shpjegoi në një intervistë për Euronews Albania se pse euro ka rënë më shumë në Shqipëri në krahasim me Serbinë apo Maqedoninë e Veriut.
Në 12 muaj euro ka humbur 8,3% të vlerës së saj në tregon e Shqipërisë, çfarë përbën një humbje rekord në rajon.
“Oferta e euros në një treg të limituar, siç është ky i joni bën që euro të bjerë edhe më poshtë se rajoni. Në Serbi ka rënë më pak, pra dinari serb gjatë këtyre 12 muajve është rritur dhe euro është zhvlerësuar në këtë vend me 4,2% dhe në Maqedoninë e Veriut, dinari maqedonas është diku te 6% i mbiçmuar në krahasim me euron dhe më pas shikojmë rënien e fortë në Shqipëri,” – u shpreh Çoçoli.
Eksperti sqaroi se situata në Shqipëri ka të bëjë dhe me anën informale.
LEXONI GJITHASHTU:
- Përfaqësuesi i eksporteve bujqësore: Rënia e euros po na falimenton
- A është i njëjtë motori në foto me atë që u gjet në përrua? Përgjigjet eksperti
