‘Shporruni vetë dhe jo filmat’, Robert Aliaj mesazh politikës

Kantautori Robert Aliaj thotë se është e nevojshme për shoqërinë shqiptare që të pastrohet politika.

Në emisionin “Now” në “Euronews Albania”, Aliaj deklaroi se politika nuk është e interesuar për të bërë asgjë, madje as dekomunistizimin.

“Televizioni po i shfaq këto filma. Po i referohem televizionit se është televizioni që i shfaq. Në do bëhet çështje filmi, ka çështje më të mëdha. Ne jemi duke dënuar aktin, jo kriminelin. Nuk po merremi me ata që vendosën demokracinë dhe ishin të gjithë komunistë. Problem për shoqërinë shqiptare është të pastrohet politika. Të shporren njerëzit të cilët na e kanë nxirë jetën. Politika nuk ka interes të bëjë asgjë”, theksoi ai.

Grupi Parlamentar i Partisë Demokratike ka dorëzuar në Kuvend një projektligj në kuadër të nismës për dekomunistizimin.

Qëllimi i projektligjit, është që filmat, dokumentarët, këngët, programet televizive apo edhe momentet e ndryshme që kujtojnë e glorifikojnë sistemin komunist të ndalohen në vend.

LEXONI GJITHASHTU

• Edmond Budina: Të heqim mafien në pushtet dhe jo filmat e komunizmit

• Pedagogu i artit: PD të dalë me plan madhor për kulturën, jo me ligje të porositura

• Frederik Ndoci: Pse nuk duhen zhdukur filmat e komunizmit