Shqetësuese! Shqiptarët akoma i firmosin kontratat pa i lexuar

Granit Sokolaj tha se shqiptarët i firmosin kontrata pa i lexuar dhe kjo gjë është shumë shqetësuese.

I ftuar në “Good Morning Albania”, në Ditën Botërore të Konsumatorit, Sokolaj tha se ne duhet të bëhemi më të vetëdijshëm për të drejtat tona si konsumator.

Ai tha se në Shqipëri vazhdon të mbetet shqetësues fakti që konsumatorët shkojnë në bankë për të marrë kredi dhe nuk lexojnë kontratën deri në fund duke u hasur më tej me penalitete që mund t’i kishin shmangur.

“Ne kemi shqiptarë që firmosin një kontratë në bankë, duke e pasur përpara dhe nuk e lexojmë deri në fund. Ashtu siç ka edhe disa kleçka, disa shkrime janë aq të vogla. Kur shkon në bankë për të marrë një kredi shkon për hall në fakt, mezi pret ta firmosësh e të mbarosh punë. Megjithatë askush nuk të pengon të thuash unë po vij pas dy orësh më lër ta lexoj dhe po vij”, tha drejtori ekzekutiv i qendrës Alert, Granit Sokolaj për Euronews Albania.

LEXONI GJITHASHTU:

• “Mbi 2 mld euro janë investuar te bandat shqiptare!”- gazetarja tregon detaje
• Befason spiritualisti: Nga miu te njeriu, të gjithë synojnë lumturinë