Shqipëria merr 2000 doza vaksinë HPV, mbron gratë nga kanceri i qafës së mitrës

2 mijë doza të tjera të vaksinës ndaj human papilloma virusit, e cila mbron nga kanceri në qafën e mitrës kanë mbërritur në Shqipëri.

Ato janë shpërndarë në të gjitha poliklinikat e vendit dhe do të aplikohen tek të gjitha vajzat e lindura në vitin 2009.

Vaksina kundër HPV është përfshirë në programin kombëtar të imunizimit dhe  ofrohet  në një dozë të vetme, bazuar në vlerësimin e Komitetit Kombëtar të Ekspertëve të Imunizimit dhe në rekomandimet e grupit të ekspertëve të OBSH.

Ministria e shëndetësisë Ogerta Manastirliu vlerëson se ka pasur interes të lartë që prej nisjes së injektimit të kësaj vaksine në nëntor.

“Ne do të vijojmë fushatën kombëtare të vaksinimit kundër HPV dhe që në muajt e parë të aplikimit të vaksinës, janë 2400 vajza të cilat janë vaksinuar dhe kemi pasur një përthithje maksimale të vaksinave. Ndërkohë që kemi tashmë të mbërritura 2000 vaksina të tjera, të cilat menjëherë janë shpërndarë në të gjithë territorin. Përfshirja e kësaj vaksine në Kalendarin Kombëtar të Vaksinimit e bën tashmë vaksinën të aksesueshme nga i gjithë targeti përfitues, që janë vajzat 13-vjeçare”, tha Manastirliu.

LEXONI GJITHASHTU:

• Po instalohen aparaturat, Manastirliu: Kur hapet spitali i Sëmundjeve të Brendshme
• Akreditohen 250 qendra shëndetësore, Manastirliu: Shërbim më cilësor për qytetarët