Shqipëria merr drejtimin e Komitetit Monitorues të “Interreg Europe”

Shqipëria ka marrë drejtimin e Komitetit Monitorues Interreg Europe, një nga mekanizmat më të rëndësishëm të Bashkimit Europian për bashkëpunimin ndërrajonal.

Për herë të parë, Shqipëria ka marrë drejtimin e Komitetit Monitorues të programit Interreg Europe, një nga mekanizmat më të rëndësishëm të Bashkimit Europian për bashkëpunimin ndërrajonal.

Shqipëria, si një vend kandidat për anëtarësim në Bashkimin Europian, bëhet i pari që merr këtë rol vetëm dy vite pas përfshirjes në program.

Që prej 1 korrikut të këtij viti, kryesimi i Komitetit mbahet nga Agjencia Shtetërore për Programimin Strategjik dhe Koordinimin e Ndihmës, e njohur ndryshe si (SASPAC), ndërsa mandati do të zgjasë deri në dhjetor 2025.

Në këtë periudhë, Shqipëria do të organizojë takime kyçe, përfshirë mbledhjen e ardhshme të Komitetit në Tiranë, në dhjetor, ku do të mblidhen përfaqësues nga 36 vende.