Shqipëria renditet ndër vendet e para në Europë për sa i takon vdekjeve neonatale, që përfshin foshnjet brenda 28 ditëve të para të jetës.

Sipas OBSH, në vitin 2022 janë regjistruar 7 vdekje për 1000 lindje të gjalla, shifër kjo disa herë më e lartë se mesatarja europianë që është 2,2 vdekje për 1000 lindje të gjalla, dhe që e rendit Shqipërinë në vendin e 7 për numrin më të lartë të fataliteteve mes 53 vendeve të marra në studim.

Shqipëria qëndron në krye të vendeve të rajonit, për vdekshmërinë neonatale, ku shihet se Mali i Zi e ka nën mesataren europiane me vetëm 1 vdekje për 1000 lindje të gjalla.

Ekspertët kanë nxjerr në pah se shkalla e vdekshmërisë neonatale në vendin tonë është rritur me 1,4% përgjatë viteve 2018-2022.

Në vitin 2022, shkalla e vdekshmërisë neonatale varionte nga 0.7 për 1000 lindje të gjalla në San Marino deri në 23 për 1000 lindje të gjalla në Turkmenistan.

Ndërmjet viteve 2018 dhe 2022, shkalla e vdekshmërisë neonatale u rrit në gjashtë shtete anëtare dhe mbeti e pandryshuar në tetë të tjera, të cilat kanë një normë mbi vlerën mesatare të rajonit.

Vdekshmëria neonatale

Vdekshmëria neonatale 2018-2022

LEXONI GJITHASHTU:

• Bie numri i lindjeve në Elbasan, 60% më pak në krahasim me 10 vite më parë
• Sa është numri i vizitorëve të huaj në Shqipëri për muajin janar