Shqipëria në 3 vite COVID, sa viktima janë shënuar që nga fillimi i pandemisë

3 vite më parë në 9 mars të vitit 2020, u identifikuan dy rastet e para me COVID-19 në Shqipëri.

Lajmi se babë e bir, ishin prekur nga virusi, i zbuluar fillimisht në Wuhan të Kinës, deri në atë moment misterioz, shkaktoi panik.

Vetëm 2 ditë më vonë, Organizata Botërore e Shëndetësisë shpalli nivelin e pandemisë.

Në bilancin e këtyre 3 viteve, Shqipëria numëron  333,608 të infektuar dhe 3,600 jetë të humbura mes të cilave 58 ishin mjek dhe staf mjekësor në shërbim.

Në janar të vitit 2021 Shqipëria nisi aplikimin e vaksinave anticovid, fillimisht tek bluzat e bardha dhe më tej u shtri në të gjithë popullatën mbi 16 vjeç.

2,042,781 persona janë testuar si të dyshuar me COVID por vetëm rreth 17% rezultuan të infektuar.

Kurba e infektimeve me COVID ka ardhur në rënie. Aktualisht në vendin tonë numërohen 156 qytetarë të infektuar.

6 pacientë janë të hospitalizuar, të tjerët janë të vetëizoluar në shtëpi.

LEXONI GJITHASHTU:

• MSH publikon bilancin e Covid-19 gjatë 24-orëve të fundit
• 5 të infektuar, asnjë viktimë nga COVID në Shqipëri