Shqipëria nuk ka rol për të ndryshuar situatën Rusi-Ukrainë, thotë Arta Dade

Shqipëria nuk ka rol për të ndryshuar situatën mes Ukrainës dhe Rusisë, veç qëndrimit në krah të partnerëve që përkrahin Ukrainën.

Kështu u shpreh në emisionin Sot, ish-Ministrja e Jashtme Arta Dade.

“Roli ynë është të qëndrojmë me partnerët, të flasim me të njëjtin zë”, tha Dade.

Dade tha se megjithatë, Shqipëria ofron siguri me kapacitet që ka.

“Shqipëria, nga një vend që konsumonte siguri, tani është një vend që ofron siguri”, u shpreh ajo.

Tensionet mes Ukrainës dhe Rusisë janë shtuar kohët e fundit, me Perëndimin që paralajmëron për një pushtim të mundshëm rus.