Shqipëria pjesë e SEPA, Rama: Nga 1 Janari asnjë kosto për dërgesat e parave

Kryeministri Edi Rama njoftoi përmes një postimit në “X” se Shqipëria është bërë pjesë të sistemit unik të pagesave të Bashkimit Europian.

Në shkrimin e tij ai shprehet se nga 1 janari dërgesat e parave të shqiptarëve nga Europa në Shqipëri apo anasjelltas, nuk do të kenë më kosto financiare.

“Një tjetër hap i madh në rrugën drejt Shqipërisë 2030 në Bashkimin Europian.
Shqipëria u bë sot pjesë e sistemit unik europian të pagesave, që do të thotë se të gjitha dërgesat e parave të shqiptarëve nga Europa në Shqipëri apo anasjelltas, nuk do të kenë më kosto financiare duke nisur nga 1 janari 2025

Miliona e miliona EURO të kursyera nga detyrimet mbi dërgesat, falë rritjes së besimit tek Shqipëria dhe afrimit të mëtejshëm të Shqipërisë drejt majës së anëtarësimit në BE”,-shkruan Rama.

LEXONI GJITHASHTU:

• “Drafti i fjalorit, publikohet nesër”, Rama: Ta mbrojmë gjuhën shqipe nga delirantët
• A do të mbyllet Tik Tok-u? Eksperti: Rama e bën për populizëm, e provoi Amerika…