“Shqipëria po boshatiset çdo ditë”, Blendi Çeka zbërthen shifrat e sondazhit

Blendi Çeka nga Data Centrum ishte këtë të premte në “Barometri” në Euronews Albania për të folur rreth sondazhit të kryer në lidhje me shqetësimet e shqiptarëve. Në krye të listës së shqetësimeve ishte emigracioni.

Sipas Çekës shpopullimi që po i ndodh Shqipërisë vihet re kudo:

“Në varësi të popullsisë, se sa fëmijë janë, sa të rritur janë, sa të rinjë janë, ne duhet të rishikojmë të gjithë numrin e shpërndarjes së politikave publike. Sa shkolla duhet të kemi, sa mësues duhet të kemi.

Shqipëria kam përshtypjen në një pjesë të konsiderueshme të saj është e boshatisur. Kjo reflektohet kudo. Kush do punojë në bujqësi nëse s’ka njerëz? Një popullsi që po plaket, që rritet gjithnjë e më shumë numri i pensionistëve që kanë nevojë për kontribute, deri më sot emigrantët dhe familjarët kanë qenë mbështetja për pensionistët”,-u shpreh ai.

Shqetësimet kryesore të shqiptarëve sipas sondazhit janë, emigrimi ( 54.8%), çmimet e larta (42.1 %), kostoja e jetesës (36.2 %) dhe papunësia (34.3 %).

LEXONI GJITHASHTU:

• “Një qytet sa Gjirokastra ikën çdo vit”, Tabaku: Janë 5 mijë qytetarë që emigrojnë
• Emigrimi problem kryesor i vendit, bie korrupsioni si shqetësim