“Një qytet sa Gjirokastra ikën çdo vit”, Tabaku: Janë 5 mijë qytetarë që emigrojnë

“Çdo vit një qytet sa Gjirokastra emigron nga Shqipëria”, kështu tha deputetja e Partisë Demokratike Jorida Tabaku për emisionin “Barometri” në Euronews Albania.

Ajo tha se sipas të dhënave nga Shqipëria largohen rreth 5000 persona, gjë që është shumë shqetësuese për vendin.

“Sot sipas të dhënave, çdo vit Shqipëria mpaket me 5000 persona. Një qytet sa Gjirokastra ikën çdo vit. Sigurisht që në ekonomi kjo ka një ndikim shumë të madh. Këtu diskutojmë për bujqësi, për shkollën, për biznesin, por njëkohësisht është edhe ndikimi i konsumit dhe ndikimi që kjo sjell në mënyrë ciklike edhe në politika.

Besoj fort që çështjet e ekonomisë lidhen edhe me sistemin që është ngritur. Kjo pasi nëse dëgjojmë deklaratat politike që jemi mirë, buxheti është rritur, kjo na e tregon se sa mirë jemi. Sistemi i ngritur tregon se nuk shpërndahet ekonomia dhe nuk po shkon në xhepin e qytetarëve”,-tha Jorida Tabaku.

LEXONI GJITHASHTU:

• A do ta votojë PD rezolutën anti-korrupsion të Ramës? Përgjigjet Jorida Tabaku
• “PS bojkotoi mbledhjen e KKIE”, Tabaku: Opozita e ka seriozisht integrimin në BE