Ka pasur 30,601 raste të konfirmuara të fruthit në Evropë dhe Azinë Qendrore midis janarit dhe 5 dhjetorit 2023, nga 909 gjatë gjithë vitit 2022, duke shënuar një rritje prej 3266 për qind të rasteve të sëmundjes së parandalueshme me vaksinë, paralajmëron UNICEF.
Të dhënat tregojnë gjithashtu për një tendencë përkeqësimi më të fundit pasi shkalla e rasteve të fruthit në Evropë dhe Azinë Qendrore pothuajse u dyfishua midis tetorit dhe nëntorit 2023.
Mjeku epidemiolog Ilir Alimehmeti tha në emisionin GoodMorning Albanians në Euronews Albania se Shqipëria nuk mori masat e duhur për epideminë e fruthit në vitin 2018.
“Para dy javësh Rumania shpalli emergjencën sepse u ka rënë vaksinimi njësoj siç na ka rënë ne. Në 2018 Shqipëria ka raportuar 1464 raste. Rumania që ka 10 fish më shumë popullatë me 2 mijë raste vë alarmin sepse është për t’u vënë, ndërkohë që ne nuk e vumë shumë ujin në zjarr. Kjo do të thotë që vaksinimi po bie”, tha mjeku.
LEXONI GJITHASHTU:
- OBSH jep alarmin për fruthin: 30 mijë të infektuar në Europë, rastet janë 30-fishuar
- Rumania jep alarmin për fruthin, e shpall epidemi
