“Shqiponjat”, FNSH dhe RENEA aksion në Pogradec, rrethohet banesa e Erjon Llapushit

Burime nga Policia bëjnë me dije se Drejtoria Vendore e Policise Korçë,  Renea, FNSh, Shqiponjat, dhe Forca e Posaçme Operacionale janë duke zhvilluar një operacion masiv në Pogradec.

Operacioni po bëhet për drogë, armë e kapje të personave në kërkim. Deri në këto momente janë zhvilluar dhjetëra kontrolle.

Burime për Euronews Albania bëjnë me dije se janë sekuestruar armë zjarri, armë gjahu  e armë të ftohta, shuma parash e lëndë narkotike. Renea ka rrethuar banesën e të kërkuarit  Erjon Llapushi, dhe po ushtron kontroll të imtësishëm në brendësi të banesës së tij.

Ndërkohë vetë Llapushi nuk ndodhej në banesë.

Burime nga Policia bëjnë me dije se do ketë njoftim për mediat kur të përfundojë operacioni.

LEXONI GJITHASHTU:

• Operacioni “Interruption”| Arrestohet 22-vjeçari që posedonte 900 gramë kokainë
• Tiranë/ Gjendet i vdekur në mes të rrugës një person, dyshimet e para