“Shqiptarët më shumë sesa fat” – Kurti ndan fotot nga takimi me Ramën dhe Travarin

Kryeministri i Kosovës, Albin Kurti ka ndarë në rrjete sociale një foto nga margjinat e samitit rajonal të Shkupit, ku ai shihet duke biseduar me kryeministrin Rama dhe Kryetarin e Aleancës për Shqiptarët, Arben Taravarin.

Kurti në mbishkrimin  e fotove shkruan se shqiptarët e kanë në vetëdijen kombëtare orientimin e qartë euro-atlantik dhe kjo është më shumë sesa fat.

Kreu i qeverisë në Kosovë shton se shërbimi ndaj qytetarëve duhet të jetë përherë qëllim i palëkundur i të gjithë politikanëve shqiptarë.

“Në Shkup, në margjina të konferencës së liderëve të rajonit për Planin e Rritjes së BE-së, bashkë me kryeministrin Rama takuam dhe bashkëbiseduam me Arben Taravarin, Kryetarin e Aleancës për Shqiptarët.

Shqiptarët më shumë sesa fat, e kanë vetëdije historike e kombëtare orientimin e qartë euro-atlantik dhe ndërtimin e aleancave mbi vlera e bindje. Sfidat shpesh i kemi të ngjashme e të përbashkëta. Shërbimin ndaj qytetarëve duhet përherë ta kemi qëllim të palëkundur të angazhimit politik. E në rrugë e sipër na duhet të jemi krah për njëri-tjetrin, për zhvillim, demokratizim, reformë, progres dhe mirëqenie” shkruan Kurti në facebook.

LEXONI GJITHASHTU:

• “Kërcënimet të ndërpriten”, Kurti në Shkup: S’ka bashkëpunim pa siguri në rajon
• Kurti: Vetëvendosje nuk është e regjistruar zyrtarisht në Maqedoninë e Veriut