Shqiptarët të ndarë, disa festojnë jashtë, qytetarët e Kosovës më atdhetarë

Festat e Nëntorit dhe ditët zyrtare të pushimit kanë shtyrë qytetarët shqiptarë të udhëtojnë brenda dhe jashtë vendit. Në Elbasan janë rritur kërkesat në agjencitë turistikë për të udhëtuar jashtë gjatë ditëve të festave.

“Edhe pse ne kemi festat tona kombëtare vihet re një trend gjithnjë në rritje i shqiptarëve që duan të udhëtojnë jashtë kufirit për të festuar festat. Vetëm për fluturimet, akomodimet apo turet kulturore të datave 25 me 29 ne kemi rreth 1600 rezervime dhe pasagjerë”, tregon Irma Tafaj agjente udhëtimesh.

“Ka shumë destinacione që janë të përzemërta si Stambolli, Italia mbetet gjithashtu një vend që ata e frekuentojnë”, thotë Klaudia Krasnika.

Po ka edhe atdhetarë që kërkojnë medoemos të festojnë në vendlindje, pasi festat kombëtarë janë të papranueshme të festohen jashtë vendit.

“Ne mund të shkojmë shumë mirë të festojmë në Kosovë në trojet tona shqiptare në Maqedoni në Mal të Zi, kjo është shumë e justifikueshme por pjesa tjetër pastaj është një arsye që nuk lidhet me festen”, shprehet një qytetar.

Më shumë patriotizëm e atdhedashuri lexohet në qasjet e qytetarëve të Kosovës që zgjedhin vendin tonë për festa.

“Kemi ardhur nga Gjakova, kem ardhur për festat, sidomos 28 dhe 29 Nëntorit”, thotë një zonjë nga Kosova.

Afro 70% e prenotimeve në agjencitë turistike kanë zgjedhur të festojnë jashtë Shqipërisë.

LEXONI GJITHASHTU:

• Për festa në Korçë, qytetarët shqiptarë dhe të huaj zgjedhin të qytetin e serenatave
• Shqiptarët jashtë për festa, operatorët turistikë: Ka mungesë marketingu në vend